መጽሓፈ ምሳሌ መበል 31 ምዕራፍ

 

•   ደገኛ ሰበይትስ መን ይረኽባ፡ ዋጋኣ ካብ

     ክቡር ዕንቝ ኣዝዩ ይኸብር።

•   ልቢ ሰብኣያ ይእመና፡ እቶቱ ከቶ ኣየቓርጽን።
•   ንሳ ምሉእ ዕድሚኣ ሰናይ እምበር፡ ክፉእ ኣይትገብሮን።
•   ጸጕርን ልሕጺ እንጣጢዕን ትደሊ፡ ተሐጕሳ ኸኣ ብኢድ ትዐዩ።

•   ንሳ ኸም መርከብ ነጋዶ እያ፡ ካብ ርሑቕ ምግባ ተምጽእ።
•   ገና ለይቲ ኸሎ፡ ትትንስእ እሞ፡ ንስድራ ቤታ ምግቦም ትህቦም፡
•      ነግራዳ ኸኣ ሰስርሔን ተትሕዘን።
•   ግራት ትምልከት እሞ ትዕድጎ፡
•      ብፍረ ኣእዳዋ ኸኣ ኣታኽልቲ ወይኒ ትተክል።
•   ሕቛኣ ብሓይሊ ትዕጠቕ፡ ቀላጽማ ኸኣ ተበርትዕ።
•   ኣቓሑ ንግዳ ጽቡቕ ከም ዝኾነ ትርኢ፡
•      መብራህታ ብለይቲ ኣይጠፍእን።
•   ኣእዳዋ መፍተል የልዕላ፡ ኣጻብዓውን ቁኒን ይሕዛ።
•   ንሽጉራት ኢዳ ትዝርግሓሎም፡ ንጽጉማት ከይ ኣእዳዋ ትሰደሎም።
•   ኵሎም ስድራኣ ሰብ ድርብ ክዳን እዮም እሞ፡
•      ስለ ስድራኣ ብውርጪ ኣይትፈርህን።
•   ንርእሳ ምንጻፋት ትገብር፡ ክዳውንታውን በፍታን ጁዅን እዩ።
•   ሰብኣያ ኣብ ደገ ኣብ ማእከል ዓበይቲ ዓዲ ምስ ዚቕመጥ ምርኡይ እዩ።
•   ጽቡቕ ቀሚሽ ኣእሊማ ትሸይጥ፡ መቐነት ንነጋዳይ ትህቦ።
•   ሓይልን ክብረትን ልብሳ እዩ፡ ነቲ ዚመጽእ መዓልቲ ትስሕቆ።
•   ኣፋ ብጥበብ ትኸፍት፡ ትምህርቲ ለውሃት ድማ ኣብ ልሳና እዩ።
• 28፡29. ደቃ ይትንስኡ ብርኽቲ ኸኣ ይብልዋ፡
•      ሰብኣያ ድማ፡ ብዙሓት ኣንስቲ ጽቡቕ ዝገበራ ኣለዋ፡
•      ንስኺ ግና ንዅላተን ትበልጽየን፡ ኢሉ ይንእዳ።
• •30.          ጽባቐ መልክዕ ጠባሪ ኢዩ፡ ውቃበ ኸኣ ከንቱ እዩ፡
•      ንእግዚኣብሄር እትፈርህ ሰበይቲ ግና ትንኣድ።
• 31.  ካብ ፍረ ኣእዳዋ ሃብዋ፡ ኣብ ደጌታትውን ተግባራ ይንእዳ