ኣገልግሎት ፈነወ ወንጌል ኤርትራ ዋና ቢትጽሕፈትና ኣብ ከተማ ፍራንክፈርት ኮይኑ ወንጌል ጎይታና የሱስ ክርስቶስ ንመላእ ዓለም ብፍላይ ድማ ንህዝቢ ኤርትራ ብዝተፈላለየ መገዲ መራኸቢ እንዝርግሕ ክርስትያናት ኢና። ገለ ካብቲ ኣገልግሎትና እዞም ዝስዕቡ እዮም፡
·    ክርስትያናዊ ጽሑፋት ብኢንተርነትን ብጽሑፍን ምዝርጋሕ (መጻሕፍቲ፡  መጽሄት፡ ትራክት)
·    ብዙሓት ዘበርክቱሉ ዝተፈላለየ ኣርእስቲ ዝሓዙ ዓምድታት ምድላው (ትምህርቲ፡ ማሕበራዊ ናብራ ወዘተ.)
·    ግዱሳት ሓሳቦም ዘካፍሉሉ ናይ ዘተ ደንበ ምድላው (Forum)
·    ንውልቀሰባት ሓሳብ ትምህርቲ መልእኽቲ መመሓላለፊ ዝኸውን ቦታ ምድላው (Blog)
·    ንኣብያተ ክርስትያናት ንሕብረታት ንኣገልግሎታት ንዘመርቲ ደንበ ምኽፋት (Website)

ነቲ ኣብዚ ቦታዚ ዝዝርጋሕ ጽሑፋት ሰባት በዚ ዝስዕብ መምርሒ ከበርክቱ ወይ ክጥቀሙሉ ይኽእሉ፡
·    ብኣገልግሎት ፈነወ ወንጌል ኤርትራ ዝወጽእ ጽሑፋት ንመጽናዕቲ መጽሓፍ ቅዱስ፡ ንምስክርነት፡ ንስብከት፡ ንረድዮ ብኸምኡ ክትጥቀምሉ ይፍቀድ እዩ። ብጽሑፍ መልክዕ ብብዝሒ ኣራቢሕካ (መጽሓፍ መጽሄት ጋዜጣ) ንካልኦት ምሃብ ይኹን ምሻጥን፡ ካብዚ ቦታ ናብ ካልእ ናይ ኢንተርነት ደንብ ቀዲሕካ ምዝርጋሕን ብዘይ ፍቓድ ደራሲ ክልኩል እዩ።
·    ውልቀ ሰባት ጽሑፋት ከበርክቱ ከለዉ ቅኑዕን፡ ንኻልኦት ዝሃንጽን፡ ስርዓት ኣዘራርባን ስርዓት ምዝርጋሕ ጽሑፋትን (Copyright) ዝሓለወን፡ ናብ ዘየድሊ ክትዕን ድንግርን ዘየእቱን ክኸውን ኣለዎ። ኣገባብ ዘይሓለወ ጽሑፍ ንምድምሳስ ናይ ኩሎም ኣንበብቲ ምትሕብባር የድሊ።
·    ውልቀ ሰባት ዘበርክትዎ ጽሑፋት እምነትን መትከልን ናይ ኣገልግሎት ፈነወ ወንጌል ኤርትራ ዝውክል እዩ ማለት ኣይኮነን።
·    እቲ ብውልቀሰባት ይኹን ብኣገልግሎታት ዝቐርብ ጽሑፋት ይኹን ኣገልግሎት ልክዕ ከምቲ ራእይ ኣገልግሎት ፈነወ ወንጌል ኤርትራ ክኸውን የብሉን። ምኽንያቱ እዚ ኣገልግሎት በቲ ካብ ካልኦት ዝቐርብ ጽሑፋትን ኣበርክቶን እዩ ዕላምኡ ክሃርም ዝኽእል።