ERIHOPE

ኩቡራትን ፍትዋትን ተኸታተልቲ ኤሪ ሆፐ (ERIHOPE)፣ ከምቲ ኩሉ ግዜ እንብሎ እዚ ሃገርና ኤርትራ ዘላቶ እዋን ኣዚዩ ሓደገኛ ሰዓትን ሃዋህውን እዩ፣ ሃገርና ኤርትራ ኣብ ዓቢ ዝዀነ ከቢድ ቅልውላው እያ ትነብር ዘላ። ኩነታትና ኸኣ እናኸፈኣ እምበር እናሓሸ ኣይኰነን ዝኸይድ ዘሎ። ስለዚ ነፍሲ ወከ ኤርትራውን መፈቐሪ ኤርትራን ብዛዕባ እዛ ሃገር እዚኣ ክጽሊ ሓላፍነት ኣለዎ፣ ነዚ ኸኣ መርበብ ሓበሬታ ኤሪ ሆፐ (ERIHOPE) እንሆ ወርሓዊ ማለት ነፍሲ ወከፍ ቀዳመይቲ ቀዳም ናይ ነፍሲ ወከፍ ወርሒ ጸሎት ክኸውን ትእውጅ ኣላ። ነዚ ወርሒ መጋቢት ብምሉኡ ኸኣ ብዛዕባ እዞም ዝስዕቡ ጉዳያት ክንጽሊ ኢና። ትወሳኺ ኣርእስቲ ጸሎት ምስ ዝህልወኩም ወይ እውን ትንቢታዊ መልእኽቲ ከተመሓላልፉ እዚ ማዕጾ ክፉት እዩ። ምሳና ብጸሎት ክትሓብሩን ሓሳብኩምን ርኢቶኩምን ከተፍስሱ ድማ ንዕድመኩም።
ወርሓዊ ኣርእስቲ ጸሎት
1 ብዛዕባ እሱራት
    ሀ ብዛዕባ እቶም ብዝተፈላለየ ምኽንያት ተኣሲሮም ዘለዉ ግና ክሳብ ሕጂ ፍትሒ ዘይረኸቡ
I.    ኣምላኽ ብምድሓንን ፍትሕን ክበጽሖም

II.    ኣምላኽ ብዘድልዮም ዘበለ ንስጋዊ ድሌቶምን ጥዕነኦምን ክመልእ፣

III.    ኣምላኽ ንልቦም ካብ ተስፋ ቑርጸት ኣውጺእዩ ብሰላምን ተስፋን ክመልኦም፣
    ለ ብዛዕባ እቶም ብሰንኪ ወንጌል መንግስቲ ኣምላኽ ተኣሲሮም ዘለዉ ምእመን
I.    ኣምላኽ ብትብዓት ክመልኦም ኣብ እምነት ደው ክብሉ ኸኣ ክረድኦም፣

II.    ኣምላኽ መቑሖም ክሰብር

III.    ኣምላኽ ብዘድልዮም ዘበለ ንስጋዊ ድሌቶምን ጥዕነኦምን ክመልእ፣

IV.    ኣምላኽ ውሽጦም ብሰላም ክመልኦን ከዕርፎን፣

  ኩቡራት ተኸታተልቲ ኤሪ ሆፕ (ERIHOPE) እምበኣር እዛ ወርሒ እዚኣ ነዞም እሱራት ወፍይናያ ኣሎና ስለዚ እዛ ናይ ወርሒ መጋቢት ቀዳመይቲ ሰሙን ብዛዕባ እዞም እሱራት ኣበርቲዕና ክንጽሊ ኢና፣ እቲ መልስን ውጺትን ከኣ ኣብ ዝሓጸረ  ግዜ ክንርእዮ ኢና።

ኣምላኽ ይባርኽኩም