ERIHOPE

“ኣብ ቤት ንጉስ ስለ ዘለኺ ካብ ኩሎም ኣይሁድ ንበይንኺ እድሕን ኢልኪ ብልብኺ ኣይትሕሰብ” ኣስቴር 4።13፣

ኣምላኽ ኣብ ሓደ ቦታ ኸቐምጠናን ከንብረናን ከሎ ብዘይ ዕላማ ኣይኮነን፣ ኣብ ኣምላኽ ኣጋጣምን ዕድልን ዝበሃል ኣይሰርሕን እዩ፣ ንሱ ኩሉ ዝገብሮ ብመደብን ብፍላጥን እዩ፣ ኣስቴር ንግስቲ ኮይና ኣብ ቤት ንጉስ ምቕማጣ ንጥቕማን ንኽብረታን ዘይኮነስ ንህዝቢ እስራኤል እዩ ኔሩ፣ ማርዶካይ ከኣ ህዝቡ ብምኽርን ውዲትን ሃማን ኣብ ናይ ወጥርን ፍርሕን ሃዋህው ምስ ተሸሙ “ነዚ ኸምዚ መጺኺ ተኾንኪ መን ይፈልጥ” እናበለ ሓላፍነታ ዘዘከራ፣ ኣስቴር እውን ዘኽፍላ መስዋእትነት ብዘይገድስ ህይወታ ቐቢጻ እንታይነታ ሓዲጋ ንግስነታ ንድሕሪት ደርብያ ንምድሓን ህዝባ ቖሪጻ ተላዒላ፣ ዕላማ ኹሉ ኸኣ ኣብ ሸትኡ በጺሑ እቲ ኣምላኽ ብዕላማ ዝሃባ ቦታ ኸኣ ብዝግባእ ተጠቂማትሉ ሓሊፋ፣