Eriwongel.com - ብፍቕሪ እትገብር እምነት

Home

Articles

Daily Devotion

ብፍቕሪ እትገብር እምነት

Friday, 01 May 2009

ሰብ ገላትያ ብጎይታ ኣሚኖም መንፈስ ቅዱስ ድሕሪ ምቕባሎም ገለ ኣይሁድ ሕጊ እንተ ዘፈጸምኩም ሰዓብቲ ክርስቶስ ክትኮኑ ኣይትኽእሉን ኢኹም ዝብል ናይ ስሕተት ትምህርቲ ስለ ዘእተውሎም ሃዋርያ ጳውሎስ መልእኽቲ ክጽሕፈሎም ተደሪኹ። ንሱ ኣብ መልእኽቱ ግዝረት ኣብ ምድሓንና ዋላ ሓንቲ ግደ ከም ዘይብሉ ምእንቲ ከፍልጥ ነቲ ጽርኣዊ ዝነበረ ቲቶስ ከም ዘይገዘሮ ተዛሪቡ (ገላ.2፣3)። ብክርስቶስ ሓራ ወጺእካ ከተብቅዕ ናብ ሕጊ ምምላስ ከኣ በርዑት ባርነት ምቑራን ምዃኑ ነጊርዎም (ገላ.5፣1)። ብክርስቶስ የሱስ እታ ብፍቕሪ እትገብር እምነት እምበር ግዝረት ኮነ ዘይግዝረት ዋላ ሓንቲ ከም ዘይብሉ ድማ ምሂሩ።

እግዚኣብሄር ንሰብ ስለ ዘፍቅሮን ምስኡ ናይ ፍቕሪ ሕብረት ክገብር ስለ ዝደሊን ከምቲ ንሱ ኣፍቂሩና ሓደ ወዱ ዝሃበና ንሕናውን ኩሉ እንገብሮ ብፍቕሩ ተደሪኽና ክንገብሮ ይደልየና። ጎይታውን ኣብ ቃሉ “እቲ ትእዛዛተይ ዘለዎ እሞ ዚሕልዎ፣ ንሱ እዩ ዜፍቅረኒ። ነቲ ዜፍቅረኒ ድማ ኣቦይ የፍቅሮ እዩ፣ ኣነውን ኤፍቅሮ ርእሰይ ከኣ እገልጸሉ። . . . ዜፍቅረኒ እንተሎ፣ ቃለይ ይሕሉ እዩ፣ ኣቦይ ድማ የፍቅሮ፣ ናብኡውን ንመጽእ ኣብኡ ኸኣ ማሕደር ክንገብር ኢና።” (ዮሃ.14፣21-23) ይብል። ከም ናይ ሓዲሽ ኪዳን ኣመንቲ እንገብሮ ኩሉ ንጎይታ ብዘሎና ፍቕሪ ዝተደረኸ እንተ ዘይኮይኑ ትርጉም የብሉን። ኣብ ብሉይ ኪዳን ብዝረኽብዎ ዓስቢ ተደሪኾም ትእዛዝ ኣምላኽ ይሕልዉ ኔሮም፣ ካብ ግብሮም ሓሊፉ ሃቐናኦም ይምዘን ስለ ዘይነበረ ብመጠን እቲ ዝሓለውዎ ትእዛዛት ዓስቢ ይቕበሉ ኔሮም። ኣብ ሓዲሽ ኪዳን ግን ብፍቕሪ ተደሪኽና እምበር ዓስቢ እናተጸበና ትእዛዛት ኣምላኽ ክንሕሉ ከም ዘይብልና ተገሊጹ ኣሎ። ትእዛዛት ኣምላኽ ምፍጻም ወይ ዘይምፍጻም በረኸት ወይ መርገም ካብ ምምጻእ ሓሊፉ ንጎይታ ተፍቅሮን ዘይተፍቅሮን የርኢ እዩ። ከምዚ እንተጌርካ ኣምላኽ ከኣ ከምዚ ክገብረልካ እዩ ዝብል ትምህርቲ እምበኣር ናይ ሓድሽ ኪዳን ትምህርቲ ኣይኮነን። ሃዋርያ ዮሃንስ ኣብ መልእኽቱ ብፍቕሪ ኣምላኽ ተደሪኽካ ህይወትካ ኣብ ክንዲ ኣሕዋትካ ከም ተሕልፍን ፍቕሪ ኣምላኽ ተረዲኡካ ንጽጉማት ኣሕዋትካ ከም ትረድእን ይዛረብ (1ዮሃ.3፣16-17)። ጎይታ ዝገበረልና እንተ ዘይተረዲኡና እቲ እቶም ዝተረድኦም ዝገብርዎ መግለጺ ፍቕሮም ‘ጥፍኣት’ ክመስለና ይኽእል እዩ (ማቴ.26፣8)። ጎይታ ዘይተረድኣና ነገር ክንገብር ስለ ዘይደልየና እግዚኣብሄር ብቃሉን መንፈሱን ፍቓዱ ከፍልጠና ክንሓቶ የድልየና። ኣምላኽ ነቲ ሰባት ብፍቕሪ ተደሪኾም ዝገብርዎ ብዙሕ ኮነ ሒደት ነገር ስለ ዝቕበሎ ኣብ መንጎ እቶም ‘ተረፎም’ ዝህቡን ‘ዘለዎም መግቦም’ ዝህቡን ይፈላሊ እዩ (ሉቃ.21፣4)። ንሱ ነቲ ብፍቕሩ ተደሪኽካ እትገብሮ ናትካ ዝበለጸ ነገር ይቕበሎ እምበር ‘ከምዚ ወይ ከምቲ ክትገብሮ ኔሩካ’ ብምባል ኣየጉህየካን እዩ። ህይወትናን ኣገልግሎትናን ብፍቕሪ ዝተደረኸ ድዩ? ንጎይታ እቲ ዝበለጸዶ ወይስ ተረፍ ኢና ንህቦ ዘሎና? መብዛሕትና ሃይማኖት እምበር ጥዑይ መንፈሳውነት ስለ ዘይብልና ንኽንጽሊ ኮነ ዕሽር ንኽንህብ መምርሒ፣ ንከነገልግል መተሓሳሰቢ የድልየና እዩ። ክንጽሊ፣ ከነገልግልን ንዕዮ ኣምላኽ ዝኸውን ገንዘብ ክንህብን ፍቓድን ድላይን ኣምላኽ እዩ። እዚ ኩሉ ብፍቕሪ እንተ ዘይተደሪኹ ግን ጎይታ ኣይደልዮን እዩ። ንሕና ዕሽርና ብዘይ ምሃብና ዝበኩር ዕዮ ኣምላኽ የለን። ብመሰረቱውን ዕሽር ምሃብ ናይ ሓዲሽ ኪዳን ትምህርቲ ኣይኮነን። ገለ ክፋል ናይ ኣታዊታትካ ንዕዮ ኣምላኽ ምሃብ ርእስኻ ምግታእ ስለ ዝምህረካ ጽቡቕ ልምምድ እዩ። ካብኡ ሓሊፉ ግን ዕሽር ምሃብ እቲ ዝተረፈ ናተይ እዩ ማለት ስለ ዝኾነ ምስቲ ኩለንትናኻ ምውፋይ ዝምህር ትምህርቲ ጎይታ ዝሳነ ኣይኮነን። ኣምላኽ ሕጉስ ወሃቢ ስለ ዝፈቱ (2ቆረ.9፣7) ክንድቲ ተሓጉስና ክንህቦ ዝደለና ይቕበለና እዩ። ጎይታ ዕሽር ምሃብ ኣይመሃረን ዕሽር ብምሃብ ዝመጽእ በረኸት ወይ ብዘይ ምሃብ ዝመጽእ መርገም ከኣ የለን። ሓዲሽ ኪዳን ብዛዕባ ህይወትካ ብምልኣት ንኣምላኽ ምውፋይ ስለ ዝዛረብ እቲ ኣብ ሚልክያስ ዘሎ ብዛዕባ ዕሽር ንምምሃር ዝጥቀስ ጥቕሲ ነቶም ህይወቶም ብምልኣት ዘየወፈዩ ብመሰረት ብሉይ ኪዳን ዝነብሩ ሰባት ዝምልከት ምዃኑ ከነስተውዕል የድልየና። ኣምላኽ መዓስ እዩ ብናይ ሓጢኣትና መተዓረቒ ክኾነና ኢሉ ወዱ ሂቡና? ጠባይና ከነዐሪ ምስ ጀመርና ወይስ ገና ሓጥኣን ከሎና? ነዚ ሕቶ እዚ እንተ መሊስናዮ ዓስቢ እናተጸበኻ ትእዛዝ ኣምላኽ ምፍጻም ፍቓድ ኣምላኽ ከም ዘይኮነ ክርድኣና እዩ። ንሱ እዚ ኩሉ ዝገበረ ብዓባይ ፍቕሪ ስለ ዘፍቀረና እምበር ንሕና ገለ ምእንቲ ክንገብረሉ ኣይኮነን። ጎይታ የሱስ መንግስቲ ኣምላኽን ጽድቁን እንተ ደሊና እቲ ካልእ ከም ዝውሰኸልና ተዛሪቡ ስለ ዘሎ ዓቕምና ብዘየገድስ ንሱ ከም ቃሉ ከም ዝኾነ ክንዝክር ኣሎና። እግዚኣብሄር ጽቡቕ ነገራት ዝህበና ንሱ ሰናይ ስለ ዝኾነ እምበር ከምዚ ወይ ከምቲ ስለ ዝገበርናሉ ኣይኮነን። ብፍቕሪ ዘይግበር ነገር ኣብ ቅድሚ ኣምላኽ ዋጋ ስለ ዘይብሉ ንእንገብሮ ዘበለ ብምንታይ ተደሪኸ እገብሮ ኣለኹ ኢልና ክንሓትትን ጎይታ ኣዒንትና ከብርሃልና ክንሓቶን ይግብኣና። “ብክርስቶስ የሱስሲ፣ እታ ብፍቕሪ እትገብር እምነት ደኣ እምበር፣ ግዝረት ኮነ ዘይግዝረት ሓደ ግዛዕ ኣይከኣሎን እዩ።” (ገላ.5፣6)። እግዚኣብሄር ይደግፈና!

Comments

Add New

{poweredby} {poweredby}

< Prev		Next >

[ Back ]

Latest Article
- Visit Radio Selamna [Monday 30 August 2010, 22:22]
- መልሲ ንሰብ ሓዳር [Tuesday 24 August 2010, 23:30]
- መልሲ ንሰብ ሓዳር [Tuesday 24 August 2010, 22:58]
- ‎ደቀ መዝሙርነት ብሓደ ዓይነት ቅርጺ 'ዶ?‎ [Wednesday 18 August 2010, 20:01]
- PRAYER GUIDE FOR ERITREA AUGUST, 2010 [Wednesday 4 August 2010, 13:40]
- Eritrean refugees in Libya face brutality and possible forced repatriation [Thursday 1 July 2010, 17:49]
- Ethiopian Evangelical Church Mekane Yesus President urged youth to protect their Church from false t [Thursday 1 July 2010, 13:21]
- Moroccan Islamists Use Facebook to Target Christians [Saturday 19 June 2010, 2:08]
- ብልሂ ሰማዒ [Wednesday 16 June 2010, 13:46]
- Family of 17-Year-Old Somali Girl Abuses Her for Leaving Islam [Tuesday 15 June 2010, 22:40]
Shalom Magazine

Send Postcard !

Advertismnet!

1 2 3 4 5 6 7 8 9

Main Menu

Our Favorite Links

www.bible.org
Beauty Spring 2007

Bible.org is a non-profit (501c3) Christian ministry headquartered in Dallas, Texas. The ministry launched in 1994 to leverage the internet for ministry. Bible.org has grown to serve millions in 175 countries by providing trustworthy resources.

Christ for all Nations, Cfan

Internationally known Evangelist Reinhard Bonnke World mission website. Focused on evangelism in Africa.
http://www.cfan.org

Release Eritrea!

Release Eritrea! calls upon Eritreans, friends of Eritrea and members of the international community to pray and call upon the Government of Eritrea to restore freedom of religion to the people of Eritrea and release for those imprisoned for their faitha