"ንድኹም  ብቓል ገይረ ምጽንናዕ ምእንቲ ኽፈልጥሲ፡ እግዚኣብሃር ኣምላኽ  ናይ

      ምሁራት  ልሳን ሀበኒ።

       ኣብ ጸጽባሕ የንቅሕ፡ ከም ተመሃሮ ኽሰምዕስ፡ ንእዝነይ የንቅሖ።" ኢሰ.50፡4

"......ስለዚ ነፍሲ ወከፍ ሰብ ንምስማዕ  ቅልጡፍ፡ ንምዝራብ ደንጋዩ...ይኹን።" ያቆ.1፡20

                ". . . . . .....ስሙ..... ግሩም፡ መካር.... ተብሂሉ ክስመ እዩ።" ኢሰ. 9

ዛ ጽሕፍቲ ንኹሉ ኣማኒ እያ እትምልከት፡ብሕልፊ ነቶም ንቅዱሳን ብጉስነት፣ ብምኽሪ፣ ብምጽንናዕ፣ ከምእዉን ብዝተፈላለዩ መዳያት ዘገልግሉ ኣገልገልቲ ግና ፍልይ ዝበለ ምዕዶ ዝሓዘት እያ ኢለ ይሓስብ።ብተገዳስነት ክትንበብ ድማ ይላቦ።

ክቡር ኣንባቢ፡ ካብ ተዘክሮታትካ፡ ገለ ሽግሮም ዝኸበዶም ሰባት ናባኻ ብምምጻእ   ኣጻዊቶሙኻዶ ይፈልጡ? ማዕረ ክንደይከ ኣምላኻዊ ዝኾነ ምኽርን ምዕዶን ረኺቦምን ካብቲ ዝኸበዶም ጾር  ኣዕሪፎምን ይፈልጡ? ወይ ብኣንጻሩ፡ ኣብ ህይወትካ ክንደይ ጊዜ ዓብይ ጾር ኣጋጢሙካ ይፈልጥ? ነቲ ጾርካ‘ኸ ከም ጾሮም ቖጺሮምን ጽን ኢሎም ብምስማዕ ንህይወትካ ዝረብሕዋ ኣገልግልቲ ወይ መሓዙ ክንደይ ኣጋጢሞሙኻ ይፈልጡ? ምስ ሕቶኻን ጾርካን መጺእካ ከምኡ ኢልካ ዝተመለስካሉ ጊዜታት ይዝከረካ‘ዶ?

ፍቕሪ ኣዝዩ ሰፊሕ ኣምር እዩ። ገለ ካብ መግለጺታቱ ንምጥቃስ፡ ፍቕሪ፡ "ብብርቱዕ ስምዒታዊ ፍትወትን ሓያል ውሽጣዊ ድሌትን ዝተደረኸ ስሕበት እዩ"። ፍቕሪ ኣብ መንጎ ሰባት ጥራይ ዝተደረተ ዘይኮነስ ንዝተፈላለዩ ነገራት'ውን ዝምልከት እዩ። ሓደ ኣዝዩ ዝማርኸካ ነገር ወይ'ውን ብዙሕ ግዜን ጸዓትን እትጥፍኣሉ ስለ ተፍቕሮ እዩ። ገለ ካብ ዓይነታት ፍቕሪ እምብኣር ጾታዊ፡ ጥቕሚ ሓዘል፡ ንዋታዊ፡ ኣብ መንጎ ውሉድን ወላድን ዘሎ ፍቕሪ፡ ሞያዊ፡ ዓሌታዊ ወይ ሃገራዊ፡ ብቐን ከኣ ኣምላኻዊ ፍቕሪ ክጥቀስ ይከኣል።   

ኣብ'ዛ ሓጻር ጽሕፍቲ፡ መግለጺ ዓይነታት ፍቕርን ጽልዋ ፍቕሪ ኣብ ሕብረተሰብ ዓለምን ከብርህ ክፍትን እየ። ኣብ ላዕሊ ከም እተጠቕሰ ብዙሕ ዓይነታት ፍቕሪ ኣሎ። ንምርድኡ ኪጥዕም ግን ኣብ ክልተ መሰረታውያን ክፋላት መዲብና ክንርእዮም ኢና። ንሳቶም ከኣ ዓለማዊን ኣምላኻውን ፍቕሪ እዮም።

ፍቓድ ኣምላኽ ሓደ ካብቲ ኣብ ቃል ኣምላኽ ደጋጊሙ ዝተጠቕሰ ነገራት እዩ። ጎይታ የሱስ ፍቓድ ኣቦኡ ጥራይ ክገብር ከም ዝመጸ፣ ፍቓድ ሰማያዊ ኣቦ ዝገብር ደኣ እምበር ኩሉ ጎይታይ ጎይታይ ዝብል መንግስቲ ኣምላኽ ከም ዘይወርስ ተዛሪቡ። ስለዚ ፍቓድ ኣምላኽ ምግባር እንተ ደለኻ ትገብሮ እንተ ዘይደለኻ ከኣ እትገድፎ ኣብ ምርጫኻ ዝምርኮስ ነገር ኣይኮነን። ፍቓድ ኣምላኽ ዘይምግባር ማለት ፍቓድ ርእስኻ ምግባር ማለት እዩ፣ እዚ ከኣ ንመገዲ ኣምላኽ ዕሽሽ ኢልካ መገዲ ገዛእ ርእስኻ ምምራጽ እዩ። ብመገዲ ገዛእ ርእሱ ዝኸይድ ሰብ ከኣ መንግስቲ ኣምላኽ ኣይወርስን እዩ።

6. ምሕዳስ ሓሳብ

ምሕዳስ ሓሳብ ካብ metamorphosis ዝብል ናይ እንግሊዝኛ ቃል ዝመጸ ኮይኑ፡ ብናይ ኬምስትሪ ኣገላልጻ ውሽጣዊ ለውጢ ማለት እዩ። ሓጺን ኣብ ሓዊ ምስ እነርስኖ ናብ ቀይሕ ይቕየር፡ ምስ ዝዝሕል ድማ ናብ ዝነበሮ ይምለስ። እዚ ደጋዊ ለውጢ ይባሃል። በንጻሩ ግን፡ ውንጅር ናብ እንቁርዖብ ክልወጥ እምበር፡ እንቁርዖብ ናብ ውንጅር ክምለስ ንቡር ኣይኮነን። ካብዚ ብዘይፍለ ድማ፡ ምሕዳስ ሓሳብ ነባሪ እምበር ተመላሲ ዘይኮነ ተሃድሶ እዩ።