መጽሔት ክርስትና በዚ ሚኒስትሪ ኣ-ኣብ ሰለስተ ወርሒ እትዳለዉ መጽሔት እያ። እዛ መጽሔት ካብ ካልኦት መንፈሳዊ መጽሔታት ፍልይቲ ዝገብርዎ ክልተ ረቛሒታት ኣለዉ።

• * ብመጀመርታ፡ እቲ ቐንዲ ሽቶ ኣገልግሎት መጽሔት ክርስትና ነቶም ኣብ ደምበ ኣምላኽ ዘይኣተዉ ዘለው ሰባት ተብሂላ ስለ ትዳለዉ እዩ። ነዞም ዓይነት ሰባት ብዛዕባ ክርስትና ዘለዎም ምቓል ወይ ዝንቡዕ ርድኢት ንምቅናዕን ንምምላእን፡ ዝተፈላለዩ ትሕዝቶ ዘለዎም መንፈሳዊ ጽሑፋት ብዝርድኦም ቓንቃ ተቅርበሎም።

ኤብን ኤዘር ብግሊ እትሕተም መንፈሳዊ መጺሔት እያ፣ ዕላማ እዛ መጺሔት እዚኣ ንኣመንቲ ንምብርታዕን ንምጽንናዕን እዩ፣ ዝኾነ ሰብ ከምዚ ዝዓይነቱ መንፈሳዊ መጺሔት ኣብ ኤሪ ወንጌል ክኣትወሉ ዝደሊ ሰብ እቲ ማዕጾ ኩፉት እዩ፣ ስለዚ ንዚ ኩፉት ደገ እዚ ንጠቀመሉ፣
ደጋጊምና ብነጻ መንፈሳዊ መጽሄትኩም ኣብዚ ዌብሳይትና ክተእትዉ ከም እትኽእሉ ከነዘኻኽር ዝፈተና  ቀንዲ ምኽንያት ምዕባለ መንፈሳዊ ስነ፥ጹሑፍ ኤርትራ ኣዝዩ ስለዘግድሰና እዩ ። እዚ ሒዝናዮ ዘለና ኣግልግሎት ድማ ናይ ንቡዙሓት ዝበጽሕን ዝጥቅምን ስለ ዝኾነ ፡ ተኻታተልቲ ኤሪ ወንጌል ብጾሎት ክትድጉፍና ብምህረት ኣምላኽ ንሓትት። (መንፈሳዊ መጺሔት ኤብን ኤዘር)

ዕላማና

ኸመዮ እቲ ጽሑፍ "ስለዚ ኣነ እጎዩ ኣሎኹ፡ ግናኸ ከምቲ ንዘይፍሉጥ ዚጎይ ኣይኮንኩን፡ እምክት ኣሎኹ፡ ኸምቲ ንንፋስ ዝወቅዕ ግና ኣይኮንኩን" ከምዝብሎ፡ እዚ ሚኒስትሪ ድማ ዕላምኡ ኣነጺሩ ብምፍላጥ እዩ ንኸምዚ ዓይነት ኣግለግሎት መራኸቢ ብዙሓን ጀሚርዎ ዘሎ። ምስፋሕ ወንጌል መንግስቲ ኣምላኽ፡ ክርስቶስ ዝጀመሮ፡ ሃዋርያት ዝቐጸልዎ፡ ኣንሕና ድማ ናብ መፈጸምታ እነብጽሖ ሕድሪ ወይ ተልእኾ ከምዝኾነ ብዙሓት እንፈልጦ ሓቂ እዩ፡፡ ነዚ ተልእኾ ንምፍጻም ድማ፡ እዚ ሚኒስትሪ ነዞም ኣብ ታሕቲ ተጠቂሶም ዘለዉ ኣውራ ዕላማታት ኣብ ቅድሚኡ ሰሪዑ፡ ኣገልግሎቱ ኣሃዱ ክብል ጀሚርዎ ኣሎ።

 ስለዚ ቐንዲ ዕላማ ናይዚ ሆም ፔጅና www.eriwongel.com እዞም ዝስዕቡ እዮም፡

ከመዮ እቲ ጽሑፍ "ደጊም ከምቲ ንጎይታና ክርስቶስ የሱስ እተቐበልኩምዎ፣ ከምኡ ኢልኩም ብእኡ ተመላለሱ. ኣብኡ ተሰሪትኩምን ተሃኒጽኩምን ብምስጋና መሊእኩም፣ ከምቲ እተመህርኩምዎ ኼንኩም ብእምነት ጽንዑ" ከምዝብል፡ ህዝቢ ኣምላኽ'ዉን፡ ኣብ ክርስቶስ ክሰረትን ክህነጽን ክሳዕ መጨረሻውን ብእምነት ምእንቲ ክጸንዕ፡ ሃነጽቲ ዝኾኑ ትምህርትታት፣ ስብከታት፣ ምስክርነት፣ መንፈሳዊ ስነ ጽሑፍት፣ ከምኡውን ኣገደስቲ ሓበሬታት ምቅራብ.


ነቶም ናብ ደምበ እግዚኣብሔር ዘይኣተው ዘለው ድማ፣ ኣሚኖም ናብ ምድሓን ኽበጽሑ፡ ነቲ ንምድሓን ሓይሊ ኣምላኽ ዝኾነ ቃል-መስቀል ትእውጀሎም። ከምኡ'ውን ናብ ሙሉእ ዝኾነ ርድኢት ክርስትና ንኽበጽሑ ዝሕግዝዎም ሃነጽቲ ሕቶታት፣ መልስታትን፣ ምስክርነታትን ተኣንግድ።

      "...እዚ ኣብ ቅድሚ እቲ ኩሉ ሰብ ክድሕን ናብ ፍልጠት ሓቂዉን ክመጽእ ዝፈቱ እግዚኣብሄር መድሓኒና ጽቡቅን ቅቡልን እዩ።''

1 ጢሞ 2፡4።   እግዚኣብሄርሲ    ሞት ሓደ ሓጥእ እኳ ኣይፈትዉን እዩ።

 

ንኹሉ ህዝቢ ኣምላኽን ንኻልኦት ተጠቀምትን ድማ ነንሓድሕዶም ካብን-ናብን ብጽሑፍ መልክዕ ዝገላገልሉ፣ ኣርእስቲ ጸሎት ዝወሃህብሉ፣ ሓሳባቶምን ርእይቶታቶምን ዝለዋወጡሉ፣ ከምኡውን ሃነጽቲ ዕላላት ዘዕልሉሉ ክፉት ናይ ዘተ  ኣፍ ደገ (Chat Room/Forum) ትኸፍት።  
"ብዝተረፈስ፣ ኣሕዋተየ፣ ሓቂ ዘበለ፣ ርዝነት ዘለዎ ዘበለ፣ ቅኑዕ ዘበለ፣ ንጹህ ዘበለ ፣ ተፈታዊ ዘበለ፣ ጽቡቅ ወረ ዘለዎ ዘበለ... ብእኡ ሕሰቡ."ሊጲ 4፥ 8